Skip to main content

اكثر من 100 يوم والبلد ضايع وخربانة اوضاعه .. والشعب منتهي صبره .. والحديث عن تصعيد شامل وتغيير في الاساليب اليوم ؟!!

شؤون محلية الاثنين 20 كانون ثاني 2020 الساعة 12:23 مساءً (عدد المشاهدات 385)

بغداد / سكاي برس

اكثر من 100 يوم والبلد مليوصة اموره واحواله .. من اهمال حكومي خدمي وسياسي ولا شوارع ولا طرق بيها خير اقل شيء يصير كلها تنغلق والناس تنشتل بهل الجو البارد او الحار .. هاا واضافة الى المظاهرات المتواصلة .. واستقالة الحكومة الغير مكتملة .. ورئيس الجمهورية الي كل فترة مهدد بالاستقالة .. والاحداث الي بعدها صارت من قتل سليماني ورفاقه وبعدها صارت ضجة اعلامية وسياسية محلية وحتى دولية .. من اثارها عدم احترام السيادة العراقية وكل يوم دولة شكل تضربنا والتهديد بحرب عالمية ثالثة بين ايران وامريكا ..

 

اليوم نشهد تصعيد عالي من قبل المعتصمين بان اعتصامهم راح يتطور الى استخدام اساليب جديدة خاصة  من بعد انتهاء مهلة الناصرية  والحديث بان هذا التصعيد مراح يكون سلمي من بعد اليوم وراح يشمل كل المحافظات العراقية الجنوبية منها والوسطى .

 

يذكر ان مهلة الناصرية التي فيها امهل المتظاهرين الحكومة والبرلمان اسبوعين محددين لاختيار وانتخاب رئيس وزراء جديد يستلم مهامه لمدة 6 اشهر فقط وبعدها يدعو الى انتخابات جديدة .. ومطلب اخر طالب فيها معتصمو الناصرية بالكشف والاعلان عن اسماء المتورطين بقتل المتظاهرين الي دمهم راح هدر وغدر دون اي حساب او كتاب ..

 

يشهد ان الحال على ما هو عليه دون تغيير او تطوير حتى الناس فرغ صبرها وبزعت من هالوضعية ولا الحكومة دايرة بال وخاطر الهم ولا مجلس النواب الي هو ممثل عنهم ..

 

 

حمل تطبيق skypressiq على جوالك
الأكثر قراءة