Skip to main content

رسالة كتبها معيدي شروكي سومري من الناصرية الى ساسة العراق

مقالات الأحد 16 حزيران 2019 الساعة 11:44 صباحاً (عدد المشاهدات 4287)

حسن النصار

كتبها معيدي وشروكي سومري من الناصريه بالبداية لا اعتذر عن اي كلمة نابية يتضمنها المنشور واقصدها بكل قوتي وصراحتي ..
ولولا الفشل من العيب ومن اصدقائي لاستعملت لغة ابناء الشوارع والعاهرات ، واني احجي على كل الساسة والمسؤولين بالعراق من شماله لجنوبة ولا استثني احداً، كون من يدخل عالم السياسة ينطيها حقها ..
ابن صبيحة حكم العراق 40 سنة بالحديد والنار والعصا والخبزة ، وخله بين تجة اللباس واللباس بعثي تافه او رجل امن ساقط يحسب عدد الغازات التخرج من فتحات التهوية ..
ومحد سلم من ظلمة ، والحصة الاكبر من الظلم للجنوب واهل الجنوب ، من الجوع والتشرد والقهر وكطع الماي وتنشيف السدود وووووو الكثير واهمها الحصار الي خله الناس توكل اطفالها جمار النخل ، واني من ضمنهم حتى لحد يكول انت بس تسطر سوالف.. اسبوع ماعندي نص كيلوا طحين اسويه خبز لجهالي الخمسة بذاك الوكت .. والناس كلها مثلي يلا مدبرة عيشتها ، رحت للبستان وصعدت للنخل وكصيت جمار النخل وجبته لأطفالي حتى يسدون جوعتهم .. واجه يوم الخلاص من صدام وحكم البعث العاهر ، وكلنا يالله راح نتنفس وراح نشتم الهوى وسقط الساقط ، واجيتوا انتو بأسم علي بن ابي طالب عليه السلام وحكمة ، واستبشرنا خير بجيتكم ،
بعدها شكلتولنا حكومة السلفة كل واحد شهر وبديتوا ويانه بلعبتكم واول قانون شرعتوه هو قانونكم قانون رواتبكم ورواتب حماياتكم وتقاعدكم .. واستلمتونه بالحكومات المتعاقبة ، والانتخابات الي قشمرتونا بيها وخليتونا ندخل اصابعنا بالمحبرة لليدة .. وانتخبناكم كحكومة مركزية وحكومة محلية .. والحمد لله ماشفنا منكم شي بس كبرت مشاريعكم بالخارج وارصدتكم بالبنوك ، بالاضافة الى كبر وتوسيع حماياتكم وسياراتكم الباردة بالصيف والدافية بالشته مثل كـ.........نتور ساجدة عبيد ..
ومايهمكم شي غير ان طيازتكم لازكة بالكرسي وفسادكم الي غطيتوا بيه حد الكَوكة، وبفضلكم تحول العراق الى مال سائب الكم ولأحزابكم المتسلطة، وصار العراق زبالة حشاه من هاي اللفظة.. لا من شوارع لامن خدمات لا كهرباء لا ماي ، و كل اليحجي وياكم اكو شماعات جاهزة للأعذار قبل القاعدة وفلول بن صبيحة العاهرة وهسة جلاب داعش، وماتعترفون بفشلكم وفسادكم ، وماهامكم تضحيات شبابنا اليقاتلون وباء داعش،الي هو مجموعة من فروخ البعث ولقطاء الوهابية ونغولة جهاد النكاح الي اجونا من كل صوب حتى يعلمون العراقيين شلون يعيش تحت راية القذارة الوهابية ، وانتم كل همكم منو رئيس الكتله يصير ومنو رئيس التحالف ومنو رئيس المجلس ومنو رئيس الجمهورية والورزاء ومنو يلزم لزمة على شريكة بالبوك والفساد حتى يشهر بيه ويطلع هو النزيه حتى بلكت ينتخبونه مرة ثانية ، لا عمي كلكم تغرفون من نفس الجيحة وكلكم طامسين بنفس المستنقع ، الشعب عرفكم واحد واحد وشخصكم ، والدليل سكوتكم على كل الخونة والمتآمرين والقتلة شركائكم بالعملية السياسية الهزيلة ، والتعرفها حتى فيفي عبده ،
عندي هواي حجي بس كافي واخير شي اخذوها نصيحة من شروكي معيدي .. ديروا بالكم على شعبكم الانتخبكم ووصلكم للكراسي بالخدمات والموية والكهرباء والغذائية والرواتب.. ان دامت لغيرك ماوصلت اليك .. ولكم اسوء ببن صبيحة شفتوه من طلعوه من الحفرة ولحيته متروسة كَمل وصواب ..

حمل تطبيق skypressiq على جوالك