نحن "احمد وسماهر" نرغب بـ"التبادل الجنسي" ومن عائلة متحررة !!.. "مراوس" الزوجات .. صار واقع بالعراق !

المشهد العراقي الخميس 04 نيسان 2019 الساعة 12:53 مساءً (عدد المشاهدات 47778)

خاص/ سكاي برس
اميرة الجابر
اليوم جاييكم بسالفة كلش طوخ .. ومارح يعرفها الا اثنين
واحد يبحوش بالانترنيت على امور تعبانة ومخلصها للصبح عربدة هو وزوجته
والثاني الي سمع بهالسالفة وتقصى عنهه لفضح النوع الاول( المبحوشجي)
ياجماعة الخير سالفتنه عن كروبات تبادل الازواج وحفلات الجنس الجماعي ... بس نصيحة لله قبل متسمعون السالفة عصروا ليمونتين واشربوها وتعالوا
سالفتنه تبدي احداثهه من سنة 2014 ويمكن قبلها بس للدقة رح نبلش من هاي السنة..
ويه انتشار استخدام الانترنيت وسهولة الوصول لكل المواقع بدت تنتشر هذه الكارثة الاخلاقية بالمجتمعات العربية من باب محاكاة اسلوب الحياة الغربي ...وهذي الكوارث وصلت للعراق والحمد لله والشكر ....
على مواقع عديدة منها تويتر وفي سبوك وحتى كوكل + اكو جماعات تعرض التبادل الجنسي شلون؟
رجل يقدم عرض يتضمن صورة زوجته وهي عارية الا شويه ويروج لمفاتنها من خلال الصورة ويطلب اي شخص عنده استعداد لمشاركته حلاله .. الله اكبر
بس هو باعتباره ذكي وفلتة زمانه يطلب لقاء اولي جنسي على سكايب او اي تطبيق يحتوي كاميرا وصوت وبعدها يتفقون يلتقون ببيت واحد منهم
التفاصيل بين قوسين منتهى القرف ومنكدر نذكرها بس رح نخلي الصور تشرح هذي الممارسات المنحطة ونعتذر قبلها من الناس بس دافعنا بعرض هذي الحالة انو مستحيل نصير مثل النعام وندفن روسنا بالكاع ونكول شعلينه.
المصيبة بهذي السالفة كله هان الترويج لعرض التبادل الجنسي يجي بعنوان كلش رنان ومقصود وبهالطريقة:
نحن فلان وفلان نرغب بالتبادل الجنسي مع عائلة متحررة ومنفتحة التفكير بس تلكه الزوج يكعد زوجته باهانة وينيمهه بكتله
اليوم واحنه نسلط الضوء على اخطر ظاهرة تفتت النسيج الاجتماعي العراقي نأكد
التطور والتحرر ابدا ميعني الانحلال والي يريد يقلد الغرب يقلده بمنجزاته واحترامه للانسان وتقديس التكنولوجيا الي اعتبرها في خدمة البشرية مو خدمة الحيونة الي تمارسهه هاي الجماعات الي اقل مايقال عنها منحطة.
وسلامتكم....
تابع الفيديو بعد قليل.....