بغداد/ سكاي برس
اطار طبيعي امن لتجاوز الجهلاء بالحياة العادية واللي ماعدهم ناس تواليهم وتتبعهم اعتقادا او مناصرة ولا الهم ظهور او تصريح اعلامي...
بس من تصحى الصبح وبنص هذا الفشل السياسي المستمر وبعدك متأمل خير فجأة تسمع الهايس يغرد ويكول انا مرشح العهد الاغبر الجديد عن وزارة الثقافة العراقية وتصيبك هذي الصدمة المعدلة من الذهول
تحاول تستوعب الموقف , وتبررله تصريحه الاعظم
بس هو مصر يبقى صاحب فضل عليك ويأكد انك بعدك ذاك العاقل بس مستحيل يظل عاقل !!!
ليش؟
من يكون مرشح وزارة الثقافة ماعنده تحصيل علمي .
_من يكون ساحب السعادة ماعنده محتوى فكري.
_من يكون هذا الفذ بلا منجز ثقافي.
_من يكون مبدا الحوار عنده عبارة عن حرب شتائم من طراز غير قابل للترجمة.
مستحيل تبقى عاقل
والمصيبة.. من يساله المحاور شنو خطة عملك لو صرت وزير يجاوب كل شي بوكته ويعتبر اعظم انجاز ممكن يسوي من يخلي الناس تحترم المثقف من يدخل مقهى الفيشاوي اللي كمية الثقافة العنده ماساعدته يلفظ اسمها صح ولاحتى بينتله ان مقهى الفيشاوي بمصر مو بالعراق. كل هذا الغير متوقع يجبرك تغير قناعتك عن العقل ونوعية المجانين بس شوكت؟
من تشوف الرجال مغير اسمه من حميد الهايس الى حميد عاشق الثقافة ويبث مباشر من المتنبي...
حكومتيش#.....
